Kashima Antlers është finalistja e parë e botërorit të klubeve, pasi ka mundur në mënyrë të befasishme kampionen e Amerikës Latine, Atletico Nacional të Kolumbisë.
Skuadra kolumbiane, e cila vetëm pak ditë më parë hoqi dorë nga Copa Sudamericana, duke ia “falur” atë Chapecoenses së Brazilit pas tragjedisë ajrore, ishte favorite, por u mund bindshëm nga kampionët e Japonisë.
Kashima fitoi 3-0, me një gol të shënuar me penallti në pjesën e parë dhe dy të tjerë në dhjetë minutat e fundit të lojës.
Me suksesin e arritur, Kashima pret gjysmëfinalen tjetër, midis Real Madrid dhe Club America të Meksikës, fitues e Champions League të CONCACAF-it.
d.i.
Botërori i klubeve, Kashima mund befasisht Atletico Medellin e del në finale
