Prej më shumë se 7 muajsh i gjithë globi po përballet me pandeminë Covid-19 që shpërtheu në Kinë prej në fund të dhjetorit të 2019. Deri më tani në gjithë globin janë infektuar 20,526,098 persona. Ndërkohë 745,981 të tjerë kanë humbur jetën. Lajm i mirë është se betejën me COVID-19 e kanë fituar 13,448,753 qytetarë.
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 5,305,957 të infektuar dhe janë shënuar 167,749 vikitma. COVID-19 po përhapet me shpejtësi edhe në Indi.
Shqetësuese është situata edhe në Meksikë ku numri i viktimave në këtë shtet ka shkuar në 53,929, ku vetëm në 24 orët e fundit kanë vdekur 926 pacientë me Covid-19.
Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 103,099 viktima dhe 3,112,393 milionë të infektuar.
Edhe Rusia po përballet me raste të shumta të pacientëve me koronavirus, ndërsa numri i viktimave ka shkuar në 15,131.
Zelanda e Re njoftoi katër raste të reja me Covid-19, pas më shumë se 100 ditësh pa asnjë rast infeksioni.
Banorët e Okland u kërkohet të qëndrojnë në shtëpi dhe shkollat janë mbyllur për tri ditë për të shmangur infektimet.
Ndërsa sa i përket kësaj situate kreu i OBSH është shprehur se teksa numri i të infektuarëve ka shkuar mbi 20 milionë, ende ekziston rreziku i një shpërthimi tjetër i pandemisë Covid-19.
g.kosovari
