Disa nga teatrot kryesore në botë kanë anuluar shfaqjet e Plácido Domingo nga posterat e tyre, pasi tetë këngëtare dhe një balerinë akuzuan një nga tenorët më të famshëm të operës në botë për ngacmimin seksual, shkruan Javanews. Shoqata e Orkestrës Filadelfia tërhoqi ftesën për koncertin e hapjes së 18 shtatorit: “Ne jemi të përkushtuar të sigurojmë një mjedis të sigurt, mbështetës, respektues dhe të përshtatshëm”, tha ai.
Anuloi gjithashtu një koncert edhe San Francisco Opera, i planifikuar për 6 tetor, ndërsa Opera Metropolitane në New York njoftoi se do të presë rezultatin e hetimeve të shpallura nga Opera në Los Anxhelos, ku Domingo mban postin e drejtorit, përpara se të marrë vendimet përfundimtare. Qasje e njëjtë edhe nga Festivali i Salzburgut, ku artisti me origjinë spanjolle pritet për dy shfaqje, në 25 dhe 31 gusht, perfundon Javanews.
