Zëvendësndihmës Sekretari Amerikan i Shtetit për Evropën, Hoyt Brian Yee, ka deklaruar se Ballkani Perëndimor është një burim thelbësor i luftëtarevë të huaj që luftojnë në Siri dhe Irak. Sipas tij, kjo lidhet edhe me faktin nëse merret parasysh proporcioni për kokë banori me popullatën.
Komentet nga zyrtari amerikan u bënë gjatë një dëgjimi të mbajtur dje në Komitetin e Konkresit të Shteteve të Bashkuara për Marrëdhëniet me Jashtë mbi Ballkanin Perëndimor.
“Bosnja e Hercegovina, Kosova, Maqedonia dhe Shqipëria, janë posaçërisht vende të shquara burimi. Individë të caktuar janë duke u radikalizuar dhe motivuar për të luftuar në Siri dhe Irak nga një numër faktorësh”. – tha Yee.
Mësohet se gjatë seancës është folur edhe për secilin vend në veçanti duke përmendur përparimet dhe sfidat. Në rastin e Maqedonisë, Yee i është referuar shqiptarëve që jetojnë atje.
Në total janë tre shtete problematike ku banojnë shqiptarë, përfshirë edhe vetë Republikën e Shqipërisë.
