Rreth 150 persona nga Lazarati dhe llogaritë e tyre bankare, janë marrë nën hetim nga Prokuroria e Krimeve të Rënda. Por edhe pse pritej që këta persona të kenë shuma të konsiderueshme parash, duke parë kultivimin e lëndëve narkotike, në të vërtetë mësohet se shumica dërrmuese e të hetuarve rezultojnë me llogari bankare të “pastra” dhe disponojnë shumë pak para cash.
Pjesë e hetimit janë edhe grupi i zjarrit që sulmoi me armë policinë në aksionin e vitit të kaluar, me në krye Gate Mahmutajn. Megjithatë, nga hetimet e deritanishme rezulton se të gjithë personat disponojnë pasuri të paluajtshme kryesisht në Fier e Vlorë.
Në këto pasuri të paluajtshme, pjesa më e madhe janë apartamente, ambiente biznesi apo garazhe, si dhe sipërfaqe të konsiderueshme toke, pasuri që dyshojmë se rrjedhin nga produktet e veprimtarisë kriminale në fushën e narkotikëve
Në vitin 2013, Antidroga italiane deklaroi se Lazarati ishte një biznes prej 4.5 miliardë euro në vit, duke e cilësuar kështu Lazaratin si “Perandorinë e hashashit”.
