Shefi i Politikës së Jashtme i BE-së, Josep Borrell theksoi se sot është një ditë e rëndësishme për Ballkanin Perëdnimor, pasi është samiti i parë me BE në rajon.
Borrell ka theksuar se Bashkimi Europian është tepër i përkushtuar ndaj rajonit, për ta mbështetur financiarisht për përballimin e pasojave të luftës në Ukrainë, për çmimet e energjisë dhe produkteve ushqimore.
Shefi i Politikës së Jashtme i BE-së, Josep Borrell u ndal edhe tek sulmet kibernetike ndaj Shqipërisë nga Irani duke thënë se ekspertët e BE janë këtu në Shqipëri dhe do të bëjnë të pamundurën për mbrojtje.
Borrell u ndal edhe tek dialogu mes Serbisë dhe Kosovës, duke u kërkuar që të angazhohen seriozisht për marrëveshjen e propozuar nga Gjermania dhe Franca. Ditën e djeshme sipas Borrel është dërguar teksti dhe përmbajtja e këtij propozimi dhe dy vendet kanë një mundësi të madhe për të shfrytëzuar.
“Kjo është një ditë e rëndësishme për Ballkanin Perëndimor. Është samiti i parë në BE që zë vend në Ballkanin Perëndimor. Jemi tejet të përkushtuar ndaj rajonit për ta mbështetur e për tu përballur me pasojat e luftës. Çmimet e energjisë janë rritur shumë.
Nga ana tjetër, Shqipëria është goditur nga sulmet kibernetike. I kam ofruar mbështetje kryeministrit Edi Rama për t’u përballur me sulmet kibernetike. Edhe për dialogun mes Prishtinës dhe Beogradit, është moment i rëndësishëm. Debati ka përfunduar, tani duhet të përfshihen në dialog. Me propozimet që kemi vënë në tavolinë dhe me strategjitë e ideuara nga Gjermania dhe Franca, te teksti i fundit u është dërguar dje Beogradit dhe Kosovës dhe duhet të nisin diskutimet serioze se është një moment tepër i rëndësishëm.
Do ofrojmë mbështetje në Bosnje për çminimin, 10 mln euro për fushatë çminimi.”, tha Borell.
/e.d
