Bashkimi Evropian nuk do të miratojë një paketë të mbështetjes financiare për energjinë për Malin e Zi nëse vazhdon bllokada e institucioneve dhe situata nuk normalizohet në të ardhmen e afërt, tha sot përfaqësuesi i lartë i BE-së, Joseph Borrell.
Në Madrid, Borell u takua me presidentin e Malit të Zi, Milo Gjukanoviç, i cili po merr pjesë në Kongresin e Internacionales Socialiste në cilësinë e Presidentit të DPS-së, njoftoi Kabineti i Presidentit të Malit të Zi.
Siç thuhet në njoftim, Gjukanoviç e ka informuar përfaqësuesin e lartë në detaje për gjendjen aktuale në Mal të Zi dhe një skenar të mundshëm për tejkalimin e krizës në funksionalitetin e institucioneve të sistemit.
/s.f
