Disa anëtarë të bordit të Manchester Unitedit raportohet se janë të shqetësuar për të ardhmen e klubit me Jose Mourinhon dhe kanë vënë në dyshim nëse është njeriu i duhur për postin e menaxherit.
Sevilla befasoi “Djajtë e kuq” me eliminim nga Liga e Kampionëve, ndërsa pas humbjes Mourinho pohoi se humbja nuk është asgjë e re për Unitedin, pasi më parë ai vetë e kishte eliminuar këtë klub nga gara evropiane. Sipas Daily Mail, qëndrimi i Mourinhos pasi disa rezultateve dhe performancave të dobëta, kanë shtyrë disa anëtarë të bordit që të mos ndjehen rehat me drejtimin që ka marrë klubi.
Tabloidi anglez shkruan se disa prej figurave të larta të klubit, janë të shqetësuar me stilin e futbollit që po aplikon portugezi dhe frikësohen se u duhen edhe disa vjet para se ekipi i tij të jetë kandidat serioz për titull të Premier Ligës. “Jose nuk është menaxheri që menduam se ishte. Jemi të brengosur.
E dimë se fansat e urrejnë këtë futboll dhe ne nuk do ta fitojmë ligën për tre apo katër vjetët e ardhshme. Është i pasigurt dhe përfshihet në gjëra jashtë futbollit”, ka thënë një figurë e lartë e klubit. Mourinho, sipas Daily Mail, e ka përkrahjen vetëm të Ed Ëoodëardit, zëvendësshefit të klubit, përgatiti Koha. (b.an)
