Kuvendi është mbledhur sërish në seancë plenare, e dyta për këtë javë.
Zgjedhja e anëtarëve të Këshillit Mbikëqyrës të BSH, ka sjellë tension në parlament. Sipas opozitës, qeveria po synon të kapë edhe insitucionin e fundit, ndërsa Spaho u shpreh se Ridvan Bode nuk përfaqëson PD, duke dalë kundër kandidaturës së ish-ministrit të PD-së
Opozita ka kërkuar që sot mos futet në rend ditë kjo çështje, pasi sipas tyre mazhoranca kërkon të kapë edhe këtë institucion. Kuvendi miratoi dje kandidaturat e Suela Popës, Edlira Luçit, Ritvan Bodes, Artan Hoxhës dhe Luljeta Minxhozit.
“Ridvan Bode është përfaqësues i Ramës, nuk përfaqëson PD-në. Nuk pranojmë që ata që duam të propozojmë ne, ti propozoni ju”, deklaroi Spaho
Ndërsa Jorida Tabaku tha: “Po synoni të kapni edhe bordin e BSH. 6 anëtarët janë të gjithë të mazhorancës, nuk ka asnjë propozim të opozitës”
Balla e quajti të turpshme, akuzën e PD, se Bode është i kapur nga Rama
“Të kandidosh duhet të aplikosh. Kuvendi ka hapur një proces dhe në këtë proces kanë ardhur 30 kandidatë. Kush nga anëtarët e komisionit të Ekonomisë shfaqën interes për të vlerësuar kandidatët që aplikuan. Grupi PS bëri thirrje, ndërkohë e futëm në një imaps të paimagjinueshëm. Nëse ju do të kishit përzgjedhur një nga ato kandidatura që kanë aplikuar dhe shfaqur interes, mund ta kishe sjellë. E drejta e PS-së për të mbështetur kandidatura na takon dhe nuk e negociojmë aspak me ju. Qeveria është tërësisht autonome në këtë proces
Në krah të kundërt të qëndrimit të Berishës ka zgjedhur këto dy kandidatura nga opozita. Të më thuash ti mua se Ridvan Bode është i imi dhe unë kam çuar Boden të kapë bashkë me Edi Ramën bankën e Shqipërisë është turp! Nuk mund të vijë dita që Oerd Bylykbashi ti bëjë gjyqin Ridvan Bodes në këtë seancë. Ta thotë që ne kemi kapur Ridvan Boden, kur Ridvan Bode ka qenë ministër në dy qeverisje të ndryshme të PD-së, edhe në Saliun e parë dhe në Saliun e dytë.
Po ashtu dhe Suela Popa është kandidaturë serioze dhe në asnjë moment nuk mund të konsiderohet si përfaqësues i PS-së. Nuk është përfaqësuese e PS-së. Nëse ju do të kishit diçka serioze, dje ishte votimi. Nuk kishit pse të shkonit të flinin gjumë, se një opozitë që mbushi një mal dhe prodhoi dy vezë”, tha Balla
Javanews/a.çupaj
