Prova nëse bombola e gazit rrjedh apo jo, për pak u kthye në një tragjedi në lagjen “Ura Dervishbeg”, në Shkodër.
Bëhet e ditur se i zoti i shtëpisë, një 75-vjeçar, sapo kishte mbushur bombolën me gaz dhe po e provonte nëse rridhte ose jo.
Por papritur bombola ka shpërthyer në flakë, të cilat më pas u përhapën në të gjithë pjesën e ballkonit.
Zjarri përfshiu edhe ambientet e brendshme të apartamentit në katin e pestë duke shkrumbuar gjithçka.
Për fat të mirë i moshuari dhe bashkëshortja e tij kanë shpëtuar pa lëndime, ndërsa operacioni i zjarrfikësve ka qenë i vështirë.
/a.r
