Pasagjerët e një aeroplani të “Turkish Airlines” u evakuan në Aeroportin e Këlnit në Gjermani pas një alarmi për bombë.
Avioni kishte dalë në pistë për tu ngritur kur u detyrua të bënte një ndalesë emergjente.
“Nga thirrja telefonike ishte e qartë se thirrësi po synonte një fluturim të Turkish Airlines”, tha një zëdhënës i policisë për Deutsche Welle.
111 pasagjerë u evakuan nga avioni që do fluturonte drejt Stambollit, ndërkohë që policia bëri kërkime më qen në të gjithë avionin por pa rezultat pasi nuk u gjend eksploziv.
Policia e deklaroi gjithçka të sigurtë dhe dha lejen për të vijuar normalisht flurimi për në Stamboll./b.d
