Kanë kaluar vetëm 4 muaj kur Neymar u bë futbollisti më i shtrenjtë i historisë së futbollit duke kaluar për 222 mln nga Barcelona te Paris SG. Ende pa u bërë gjysma e sezonit mediat spanjolle raportojnë për një tjetër transferim të brazilianit, këtë herë te Real Madrid.
Prej disa kohësh përflitet se 25-vjeçari në të ardhmen do të jetë një futbollist i “galaktikëve”, por sot “Diario Gol” raporton për “bombën” e këtij fundviti. Neymar dhe Paris SG kanë gjetur marrëveshjen me Real Madrid.
Sipas “Diario” kalimi te gjigandët spanjoll do të bëhet në verën e 2019 pasi në planet e Neymar është që të kaloi dy sezone te Paris SG. Për këtë pakt është dakord edhe vetë klubi francez që ka gjetur gjuhën e përbashkët me “galaktikët” për shifrën e 250 mln eurove.
Reali nuk ka këmbëngulur për një transferim më të shpejtë pasi për këtë problem është Cristiano Ronaldo, që nuk mund të pranojë kurrsesi një “yll” si Neymar që padisktutim do t’i rrëmbente rolin e liderit.
