Udhëheqësit e G7-ës, apo grupit të vendeve më të industrializuara, u pajtuan të hënën që të ofrojnë mbështetje logjistike dhe financiare për të ndihmuar fikjen e zjarreve në pyjet e Amazonës, por presidenti populist i Brazilit e cilësoi këtë plan si kolonialist.
Një numër rekord i zjarreve përfshiu rajonin e Amerikës Jugore, shumica e tyre në Brazil, duke nxitur shqetësim ndërkombëtar, për shkak të rëndësisë së Amazonës për mjedisin global.
Marrëveshja u arrit në samitin G7-ës, që i zhvilloi punimet në Francë. Macron tha se vetë Franca është e gatshme të ofrojë ndihmë ushtarake për fikjen e zjarreve.
Vendet e G7-ës do të mbështesin edhe një nismë më të gjerë që rajoni i Amazonës të prezantohet në Asamblenë e Përgjithshme të Kombeve të Bashkuara në shtator, shtoi Macron.
Presidenti i Brazilit, Jair Bolsonaro, e kundërshtoi këtë nismë, duke shkruar në Twitter se “kjo do të thotë se Brazili do të trajtohet si koloni ose tokë e askujt”.
Ai po ashtu e cilësoi atë si sulm mbi sovranitetin e vendit. Kritikët e kanë akuzuar Bolsonaron për mungesë veprimesh kundër shypllëzimit.
Këto imazhe satelitore tregojnë se zjarret që kanë rënë në Amazon tani po hyjnë në Paraguai.
Presidenti francez Emmanuel Macron dhe Presidenti Kilian Sebastián Piñera thanë sot se kombet e G7 ranë dakord të sigurojnë 20 milion dollarë (17.9 milion €) nga fondet emergjente për të luftuar zjarret e Amazonës.
g.kosovari
