Mesfushori i Kombëtares së Shqipërisë, Ledian Memushaj dhe mbrojtësi Arlind Ajeti edicionin e ardhshëm mund të luajnë edhe në një skuadër të njëjtë. Interesim për dy futbollistët ka shprehur skuadra e Bolognas, njofton të dielën “gelocal.it”.
Memushaj 29-vjeçar edicionin e kaluar luajti për skudrën e Pescaras në Serie B të Italisë, përcjell Koha Ditore. Me skuadrën italiane ka kontratë deri në verën e vitit 2019.
Ndërkohë Ajeti 22-vjeçar së fundi luajti për skuadrën e Frosinones në Serie A të Italisë, por ai nuk e ka vazhduar kontratën.
Më herët mbrojtësi i Shqipërisë ka luajtur për skuadrën e Baselit në Zvicër. Bologna luan në Serie A, ligë në të cilën edicionin e ardhshëm do të luajë edhe Pescara e Memushajt. (b.an)
