Gjergj Bojaxhi, është shprehur se procesi i kontrollit të gjyqtarëve dhe prokurorëve është mjaft i rëndësishëm ndaj sipas tij Gjykata Kushtetuese duhet të vendosë në favor të Vettingut. Sipas tij, kontrolli i gjyqtarëve e prokurorëve është hap i rëndësishëm për rritjen profesionale si dhe luftën ndaj korrupsionit. Ndaj sipas tij, Vettingu duhet aplikuar edhe në politikë.
“’Vettingu’ është i domosdoshëm. Ky proces jo vetëm që nuk duhet të diskutohet për gjyqësorin, por duhet zgjeruar edhe për politikën. Duhet të dimë se kush janë shërbyesit publikë në vend. Politika gjithashtu duhet t’i nënshtrohet “vettingut”, pra, kontrollit. Duhet të evidentohet realisht dhe individualisht niveli profesional, pasuria dhe lidhjet me krimin e organizuar të çdo politikani. Vetëm duke ndjekur këtë rrugë do të sfidohet politika e ndjekur gjithë këtë kohë, një politikë që vetëm sa e ka përkeqësuar gjendjen e vendit,” shprehet Bojaxhi./a.m.