Gjergj Bojaxhi ka rikthyer në fokus çështjen e stadiumit “Arena Kombëtare”. Ai ka akuzuar mazhorancën dhe kryeministrin për abuzime me këtë projekt. Në një postim në Facebook ai shkruan se leja u dha ditën kur ishin parashikuar konsultimet.
ja postimi i Gjergj Bojaxhi:
Të nderuar miq,
Kryeministri dhe qeveria vazhdojnë të luajnë teater me qytetarët e këtij vendi.
Me date 29 Prill, ku me gjasme do behej informimi dhe konsultimi ne lidhje me projektin tek Stadiumi Kombëtar, në fakt paska qënë dita që Qeveria dhe KKT ka vendosur në mënyrë të rrufeshme lejen për kullën me stadium.
Kjo leje, për shkak të korrupsionit, përfundoi në një projekt që po i përcan Shqiptarët dhe nuk po i bashkon. Kjo leje shkon edhe më tej duke marrë territore nga Bashka e Tiranës, ku qytetarët apo Këshilli Bashkiak nuk kanë dhënë miratimin.
Kjo është një sfidë për të gjithë qytetarët për të ngritur zërin, pasi duke vazhduar me kulla betoni e qendra tregtare shkatërrohet në mënyrë të vazhdueshme standarti i jetesës. Kjo qeveri po tregon se nuk i sherben më qytetarëve por klientëve që po e mbajnë në pushtet.
Ju faleminderit
