Gjergj Bojaxhi dhe Ermal Hasimja, dy kandidatët e Sfidës për Shqipërinë në Tiranë, thonë se janë të shumtë qytetarët që duan ta dënojnë me votë establishmentin politik në zgjedhjet e 25 qershorit. Të ftuar në emisionin 7pa5 në Vizion Plus, ata thanë se SFIDA është mjeti për të nisur politikën që meritojmë.
“SFIDA do të jetë alternativa ndryshe në zgjedhjet e 25 qershorit, pasi është e vetmja parti që nuk buron nga llogaritë e vjetra dhe të reja të këtij parlamenti në këto zgjedhje” u shpreh Bojaxhi.
Ermal Hasimja, i dyti në listën e SFIDËS për Tiranën, cilësoi se ka një kategroi shqiptarësh që mendojnë se politika duhet të jetë ndryshe dhe nuk duan të ikin në Gjermani, por duan të jetojnë këtu, si në një vend normal.
“Vota ëshë mundësia që kanë këta njerëz për të ndëshkuar këtë klasë politike. Shumë do të votojnë Sfidën alternativën ndryshe, drejt një Shqipërie që punon. Drejt një vendi normal”, u shpreh Hasimja.
SFIDA për Shqipërinë thotë se objektivi për të pakësuar pushtetin e politikanëve dhe demokracia e brendshme që e karakterizon, janë dy pika kryesore për këtë forcë.
Kandidatët e SFIDA shpjeguan se kanë krijuar një model ku posti i kryetarit është i ndryshëm nga kandidati kryesor.
“Kemi përfunduar në këtë kaos, vetëm sepse kemi lënë njerëz të kenë pushtet absolut, si mbi shtetin dhe ndaj partisë. SFIDA është ndërtuar sipas një modeli ndryshe, sepse fillimisht duhet të jetë model i brendshëm perfekt në mënyrë që të transmetohet edhe në politikë,” u shpreh Bojaxhi.
Në përfundfim të intervistës, të dy kandidatët për Tiranën shprehën besimin se ky vend mund të bëhet dhe pranuan se në zgjedhjet e 25 qershorit çdo votë e dhënë për Sfidën, është votë për përfaqësimin e vetë qytetarëve në parlament.
“Për ne sfidë do të jetë të largojmë mpirjen që propaganda po u bën qytetarëve. Ne besojmë se ky vend mund dhe do të bëhët. Prandaj, Bashkë mundet!”
SFIDA për Shqipërinë renditet e katërta në fletën e votimit dhe Hektor Ruci është kryetar administrativ.
ma.me
