Kompania e njohur e cila merret me modifikimin e veturave, G-Power, përsëri është përkujdesur për përforcimin e motorit 4.4-litër V8 Twin-Turbo të modelit X6 M të BMW-së.
Kësaj here kompania përmes kësaj pakete të re ka përforcuar këtë motor serik nga 575 në 750 kuajfuqi.
Paketa quhet G-Power X6 M Typhoon, dhe ky SUV bavarez mund të arrijë shpejtësinë “mbi 300 kilometra në orë”,shkruan express. Në ofertë po ashtu gjenden edhe rrotat Hurricane RR prej alumini me diametër prej 23-inç e me goma 315/25 ZR23, paketa për aerodinamikën, kapaku i motorit i bërë nga fibra të karbonit, sistemi sportiv i shkarkimit të gazrave si dhe frenat më të forta.
