Deputeti i Partisë Socialiste Ben Blushi nuk kursen kritikat ndaj mazhorancës, ndërsa këtë radhë nën shënjestrën e tij ka rënë kandidati për bashkinë e Tiranës Erion Veliaj.
I ftuar në emisionin “Opinion”, Blushi tha propozimi i Veliajt nuk u bë nga baza e PS. Sipas Bulshit, baza e PS propozoi Blendi Klosin dhe Pandeli Majko ndërsa Veliajn nuk e propozoi njeri.
“Erion Veliaj nuk ishte një propozim i Partisë Socialiste. Veliajn nuk e propozoi njeri. PS e Tiranës propozoi emrat e Pandeli Majkos dhe Blendi Klosit.” tha Blushi
Më tej në akuzat e tij, deputeti i PS tha se Rama ka shkelur statusin, duke mos bërë zgjedhje në parti, teksa theksoi se nuk pendohet se e mbështeti atë për kryetar partie në 2005.
“Rama nuk ka të drejtë ta interpretojë statutin, në të cilin shkruhet e zezë mbi të bardhë se kryetari zgjidhet çdo katër vjet, ndërkohë që Rama ka 6 vjet pa bërë zgjedhje. Nuk jam penduar që e votova Ramën për kryetar Partie më 2005. E bëra për miqësi dhe si një akt politik”, u shpreh Blushi
Ai i është përgjigjur edhe pyetjes nëse mund të përjashtohet nga PS, si Tom Doshi. Blushi tha se është shkrimtar dhe jo kriminel, dhe sipas Blushit, SHBA s’mund të dalë të përshëndesë përjashtimin e tij.
“Unë jam shkrimtar, besoni se SHBA do dali të bëjë deklaratë që të shkakrohet një shkrimtar? Në atë parlament jam i vetmi njeri që shkruaj akoma libra”, tha Blushi.
Deputeti komentoi edhe zërat se pas akuzave të tij qëndron Fatos Nano, ku tha se me ish-kryeministrin nuk flet që prej 2007.
“Nuk kam më asnjë komunikim me Nanon që më 2007, kur u zgjodh Bamir Topi president. Unë isha kryetar i grupit parlamentar dhe Nano përdori 6 deputetë të partisë tonë për t’i dhënë Bamirin, Berishës, ndaj unë dhashë dorëheqjen dhe që atëhere nuk kam më asnjë komunikim me të”, tha Blushi.
Redaksia Online
(JavaNews.al)
