Deputeti socialist Ben Blushi ka folur larg parlamentit, pranë Kryesisë së Kuvendit, duke thënë se seanca e sotme, nuk duhej të përfundonte në një “seancë vezësh”. Socialisti tha se PS duhet t’i kërkojë falje qytetarëve, që duke qenë në pozitat e maxhorancës, ende nuk e ka bërë apologjinë e saj në lidhje me kriminalizimin e parlamentit.
“Shpresoj të mos kemi raste si në Kosovë, për më tepër që opozita e PD-së nuk e ka kredon morale si atë të kosovës. Do duhej të ishte një debat serioz dhe jo një debat vezësh, për gjëndjen ku është katandisur parlamenti sot në Shqipëri. Besoj që sot, ka ardhur dita që të paktën ne që jemi në shumicë, PS në rradhë të parë, do duhet t’i kërkojë ndjesë shqiptarëve për degradimin e këtij parlamenti. Ka ardhur koha që PS ti kërkojë fajlë njerëzve për ata se cfarë ka futur në parlament.”- tha Blushi.
I pyetur nga gazetarët se çfarë mendon për deklaratën e Berishës, i cili tha se do të mendojë pozicionin e tij në parlament, duke përfshirë edhe mundësinë e lënies së mandatit, Blushi tha:
“Berisha do duhej ta kishte bërë këtë që në vitin 1997… nqs kthjellohet pas 20 vitesh, do të ishte mirë për të gjithë e nëse ky është rasti, atëherë do duhet ta mbajë fjalën.”- përfundoi Blushi.
