Në dalje të mbledhje së grupit të PS-së deputeti Ben Blushi ka folur sërish për referendumin në PS, duke thënë se tashmë zgjedhjet e bëra në selinë rozë janë bërë objekt talljesh deri në Francë.
Ben Blushi ka kërkuar nga ana tjetër që kutitë e votimit të hapen për tu parë votat, pasi sipas tij numri i pjesëmarrësve ka qenë i manipuluar.
“Standardi që ne krijuam me këtë referendum duke hequr të drejtën e kandidimit, Europa po na tall. Ka për të ngelur kjo në fjalorin politik të Europës “mënyra alla shqiptarçe”. Unë kam kërkuar zgjedhje. Është unike kjo që ka ndodhur që një kongres në mënyrë arbitrare më ka hequr mua të drejtën e kandidimit”, tha Blushi.
