Deputeti socialist Ben Blushi, nismëtar i zgjedhjes së Presidentit me votë nga populli mbrojti nismën e tij sot para Parlamentit të Shqipërisë. Dhe njëherë duke shtruar një sërë argumentash, Blushi propozoi që kolegët deputetë të votojnë amendamentin e propozuar në ndryshimet kushtetuese, ku Presidenti zgjidhet nga populli. Blushi thotë se vetëm kështu do i kthehet, shkëlqimi kreut të shtetit, ndërsa ironizoi të gjithë ata që pretendojnë se e kanë bërë më parë këtë propozim dhe se ideja u është vjedhur nga Blushi e Mimoza Hafizi.
“60% e vendeve të Europës e zgjedhin presidentin direkt nga populli dhe kjo nuk konsiderohet dhuratë nga populli. Besohet se kushtetuta e vendit dhe uniteti kombëtar mbrohet më mirë nga miliona zgjedhës se nga 140 deputetë në këtë sallë, si në rastin tonë. Me përjashtim të rasteve kur janë monarki kushtetuese si disa vende, si Britania Holanda, Danimarka që nuk kanë fare president në kushtetutën e tyre. Ne e kemi mbështetur këtë amendament kushtetues me bindjen se ndryshimet kushtetuese të prekim dhe cështjen e presidentit, kjo dhe për kompetencat e presidentit, dhe të mbetemi republikë parlamentare dhe jo presidenciale. Por këta nuk duan që presidenti i Republikës të zgjidhet nga populli, por ta mbajnë vetë, ta mbajnë nën vete dhe për vete.
Por me këtë amendament, ne duam që Presidenti të jetë mbi palët.
Por ata që kanë më shumë vota, Rilindja, PD e LSI nuk duan që populli të ketë mundësi zgjedhje dhe presidenti në mënyrë të drejtëpërdrejtë të jetë i tyre. Sepse me rastin e zgjedhjes së presidentit ata do mund të kenë mundësi të bëjnë një Pazar, sic kanë bërë dhe më parë, dhe se zgjedhja e presidentit ka shumë më pak kokëcarje.
Habitem sot sesi kryeprokurori vijon të zgjidhet me 84 vota, gjykatësi më 94 dhe presidenti me 71 vota.
Kjo tregon sa respekt kanë partitë për presidentin.
Nëse kjo praktikë vazhdon, nëse ky amendament nuk miratohet situata do vijojë, do zgjidhet një i paaftë, një mediokër më shumë.
Dhe nuk do kemi mundësi të zgjedhim dikë që nuk është i paaftë dhe nuk është i dhunshëm të mbrojë garancitë dhe interesin publik.
Dikush ka thënë nëse do e zgjedhë presidentin populli, cfarë rëndësi ka se ai sërish nuk do ketë kompetenca.
Por ne nuk i kemi hyrë kompetencave, por nëse burra apo gra këtu që dëshiron ti shtohen kompetencat, ne e ftojmë t’ia shtojmë amendamentit.
Unë them që ta firmosim këtë amendament që nuk e pengon dhe e këtë amendament, por jo si dikush këtu që kuis se i paskemi kopjuar amendamentin, kjo është njësoj si, më kë kopjuar diçka që nuk e kam thënë.
Nëse e ka thënë, unë e gris amendamentin. Por për fat të keq amendament tjetër të propozuar nuk ka. Prandaj ju ftoj të gjithëve këtu sot të lemë paragjykimet dhe interesat partiake dhe t’ia japim presidentin e Republikës, popullit shqiptar. U bëj thirrje kolegëve shqiptarë të majtë e të djathtë, ta firmosim këtë amendament.
Deputeti Blushi bëri të ditur ndër të tjera, se shqiptarët e kanë një mundësi për të ndryshuar mënyrën e zgjedhjes së Presidentit. Ai i ftoi të votonin në peticionin që ka hapur on line në change.org (President nga Populli), një mënyrë kjo për të detyruar Parlamentin të ndryshojë vendimet e tij në sajë të presionit publik.
“Zgjedhja e Presidentit nga populli, unë vetë nuk kam besim se një pjesë e madhe këtu do kapërcejnë barrierat politike për t’ja dhënë presidentin shqiptarëve. Bashkë me 10 kolegët e mi kemi vendosur ti drejtohemi shqiptarëve, kemi nisur një peticion on line që dje. Change.org është platforma më e madhe në botë ku qytetarë nga i gjithë planeti mund të hapin peticione ku të ndryshojnë kauza për të cilat mendojnë që janë të padrejta. Aty kanë fituar të paktën 18 mijë peticione, kauza të mbrojtura on line nga njerëzit që të bindnin bashkitë, komunat për vendimet e tyre. Ne jemi futur me ketë peticion, nga dje kemi 800 nënshkrime, do shkojnë disa mijëra, të domosdoshme për të ndryshuar mënyrën e zgjedhjes së presidentit”,- tha ai.
Më tej Blushi ftoi qytetarët: “Hyni këtu dhe votoni si njeri që i kërkon parlamentit të tij të ndryshojë mendimin e këtij parlamenti. Ka ardhur koha që vendimet e këtij Parlamenti të ndryshojnë në sajë të presionit publik. Ky Parlament të mos jetë më kaq i shurdhër dhe hermetik, interesaxhi se ka prodhuar dhe prodhon çdo ditë vetëm për interesat e veta. Votoni të gjithë në change.org Presidenti nga Populli”.
