Ben Blushi i është drejtuar me një pyetje kolegëve të tij socialistë, duke pyetur se përse mbrojnë një përdhunues që u vu kryebashkiak i Kavajës. Blushi tha se Elvis Roshi, është modeli më i gabuar për tu ndjekur, duke e krahasur me një rast të shumë viteve më parë në Amerikë, ku një kryetar Bashkie i lidhur me mafian, e bëri luksoz qytetin e tij, por përsëri përfundoi në burg.
“Ajo se cfarë ndodhi ditën e fundit me ish kryebashkiakun e Kavajës, është shenjë e degradimit moral. Unë nuk kam problem me atë, ai bëri atë që mendonte se ishte e vlefshme në jetë… Një shoqëri më e përparuar si e jona e dënoi një si ai, por ne e morëm dhe e vumë në krye të bashkisë, e bëmë ajkën e politikës.
Ata e ndëshkuan ne e zgjodhëm kryetar Bashkie. Nuk mbaron me kaq. Dikush këtu, mendon se ky djalë kapërceu dallgën e përdhunimit, dhe mbasi e kapërceu, erdhi në brigjet tona gjeti një shok dhe ky e bëri kryetar bashkie, dy herë rresht…
Por kjo nuk është cështja, sesi i kapërceu ai dallgët, cështja është cfarë dallgësh po i jep shoqërisë kjo qeveri!
Si model, kë mbroni ju në këtë shoqëri! Cfarë i thoni ju shoqërisë shqiptare, që duhet të jesh delinkuent kur je në punë….?!
Enoch Johnson, kur ky kryetari i bashkisë atje u fut në burg, nuk doli njeri ta mbronte… akoma më e rëndë është kur dëgjoj disa njerëz nga qeveria… po pse duhet të iki ky, ky po punon! Kjo është shumë më e rëndë!”- tha Blushi.
Blushi i është referuar tubimit të bërë disa ditë më parë në Kavajë në mbështetje të ish kryebashkikut të Kavajës.
“Unë jam i bindur që qyteti i Kavajës nuk mbron atë që nuk mbrohet, por është i detyruar të mbrohet në protesta me dhunë e pahir!
Nuk mendoj se qyteti i Kavajës mund të shkëmbejë virtytin me vesin, me një llambë, me një pllakë, me një shatërvan! Por ka ndodhur duke përdorur pahirin!”- tha Blushi.
Në përmbyllje, Blushi e shprehu qartë se ai nuk është më socialist i PS-së, pasi sipas tij selinë rozë tashmë e zotëron rilindja.
”Unë nuk jam një socialist. Rilindja është kthyer, për fat të keq në vëllazërinë e vesit.”- tha deputeti socialist. java/ a.k
