Ben Blushi do të votojë kundër Ilir Metës për postin e presidentit. Përmes një postimi në rrjetet sociale Blushi ka bërë publik qëndrimin e tij dhe arsyet se pse nuk e voton Metën. Ai thotë se Meta po bëhet president në kulmin e krizës për të marrë edhe atë pak pushtet që ka mbetur.
Postim i Blushit:
NUK VOTOJ ILIR METËN
Kam patur të drejtë kur kam thënë se kriza po hyn në krizë. Ilir Meta kërkon të zgjidhet President në mes të krizës,për shkak të krizës dhe në kurriz të krizës, për ti ikur krizës. Kur të gjithë duhej të lëshonim dicka për të lehtësuar peshën e anijes së Shqipërisë që po mbytet, ky mori edhe atë pak pushtet që kishte mbetur.Ilir Meta u bë President nga frika dhe jo nga shpresa. Ilir Meta është Presidenti i Rilindjes dhe jo i Popullit.Është Presidenti i të shkuarës jo i të ardhmes. E si mund ta votoj? LIBRA voton vetëm të ardhmen.
/a.m.
