Deputeti socialist Ben Blushi tha pas përfundimit të mbledhjes së PS, se mandati i kreut të kësaj partie është grabitur nga Edi Rama, i cili ka frikë nga votëbesimi i anëtarëve. Blushi tha se është e pakuptimtë dhe e habitshme njëkohësisht që personi që pretendon se ka bërë kaq shumë reforma, nuk do të bëjë zgjedhje në PS.
“Edi rama nuk do të zgjidhet… një njeri që pretendon se ka bërë kaq shumë reforma, ky njeri që mendon se ka një bilanc kaq të mirë, pse ka kaq frikë të zgjidhet.. cfarë e pengon të dalë dhe të thotë po, është koha për tu votëbesuar. Kjo nuk po ndodh dhe për fat të keq, kjo është një grabitje, ky është një mandat i grabitur. Është hapur një fushatë gjoja për të rritur PS, po a mund të vijë një djalë 18 vjec kur sheh se aty nuk zgjidhesh por vetë emërohesh. Unë do të vijoj të këmbëngul që në PS të ketë zgjedhje në të gjitha zgjedhjet.
Ne kemi një shumicë në parlament. A mund të marrë kjo shumicë një vendim se vitin e ardhshëm të mos ketë zgjedhje?? Ka kuptim kjo? Unë mendoj se jo!
Po meret vendim se për shkak se janë bërë zgjedhje në vitin 2009 nuk ka nevojë të bëhen më zgjedhje.“-tha Blushi.
Blushi tha se Rama nuk ka as burrërinë që të thotë vetë dhe personalisht se nuk do të ketë zgjedhje për kryetar, në të kundërt, sipas tij, vë persona të tjerë për ta thënë këtë vendim.
“Për fat të keq nuk ka as burrninë për ta thënë vetë që nuk do të ketë zgjedhje të kryetarit të partisë. Kapriçoja e Edi Ramës po bëhet normë politike në PS, kjo ska kuptim.”- tha Blushi.
Sipas deputetit socialist, për shkak të Edi Ramës, qeveria dhe PS po japin me konçension të gjithë ekonominë shqiptare dhe të gjithë interesin publik.
Në shkurt a do kërkoni në asamble një gjë të tillë, pasi janë të njëjtët aktorë që janë edhe në grup, pse keni shpresë të asambleja?
Nuk ka sens pyetja, sot kërkova të mblidhet asambleja, m’u tha që nuk do ketë asamble, sepse mjafton ajo e korrikut të vitit të kaluar.
Po e deklaroi zoti Kokëdhima
Nëse Kokëdhima është institucion në këtë parti atëherë po.
I qëndroni garës?
I qëndroj garës, e kam thënë që ditën e parë jam në garë nëse ka garë, nëse nuk ka garë, a mund të jem gazetar unë nëse s’ka as TV, as gazetë? A besoni se është qeveria që vendos kur ka zgjedhje në parti apo jo, këta kanë thënë që ne do vendosim të zbatohet statusi apo jo, ta zbatojmë apo jo ligjin, tre ministra kanë thënë duam kohë të mendojmë e të vendosim të zbatojmë ligjin.
