Pas kryeministrit Edi Rama, deputeti i Partisë Socialiste Ben Blushi ka replikuar në distancë këtë radhë me kreun e grupit parlamentar Gramoz Ruçi, lidhur me deklaratën e këtij të fundit se “në PS nuk merren me publicistë”.
Në dalje nga mbledhja e sotme e grupit parlamentar të PS, deputeti Blushi u shpreh se edhe vetë Ruçi ka pasur pakënaqësi në lidhje me kandidatët e përzgjedhur për zgjedhjet e 21 qershorit.
Blushi nënvizoi sërish qëndriimn e tij se kandidatët janë përzgjedhur në mëyrë të njëanshme dhe se vetë Ruçi ka dijeni dhe është i pakënaqur me përzgjedhjet, por edhe me qeverisjen. Madje Blushi ka ironizuar duke thënë se Ruçi e ngatërron me Tërmet Peçin, lidhur me gafën e këtij të fundit për fitore “publicitare”.
“Në qoftë se ka thënë publicist besoj e ka pasur për atë kandidatin tonë në Tepelenë, do ta ketë pasur për atë Tërmetin, e keni parasysh, se ai tha do bëj një fushatë publicitare. Di që edhe Ruçi ka pakënaqësi që s’ka zgjedhje . Edhe Ruçi është i pakënaqur si janë përzgjedhur kandidatët Ben Blushi: Unë e di që edhe Ruçi ka pakënaqësi për ecurinë e qeverisjes.” tha Blushi
Ditën e djeshme Ruçi nga Lushnja ku u prezantua kandidati i majtë për këtë bashki, u ndal edhe tek kritikat e deputetitt të PS, duke u shprehur se “nuk merret me publicistë”.
