Deputetët socialistë Ben Blushi dhe Mimoza Hafizi kanë bërë kërkesë zyrtare në Komisionin Zgjedhor të Partisë, të vërë në dispozicion materialet e kutive zgjedhore të referendumit.
Kjo kërkesë e deputetëve argumentohet me faktin se sipas tyre janë shtuar fiktivisht votuesit. Blushi dhe Hafizi kërkojnë verifikimin e listave të zgjedhësve.
Një kërkesë e tillë u konfirmua nga deputetja hafizi pas mbledhjes së grupit parlamentar socialist.
“Mbledhja e Asamblesë do të bëhet të shtunën. Sot, kam depozituar në Komisionin Zgjedhor të Partisë kërkesën për hapjen e kutive të referendumit. Në mbledhjen e Asamblesë Kombëtare në varësi të përgjigjes që do të kem, edhe të përgjigjes që nuk kam marrë nga Komisioni i Garancive Statutore për të gjithë ato shkelje që kemi pretenduar për referendumin, të gjitha këto do të jenë objekte diskutimi edhe në Asamblenë e ardhshme Kombëtare”, tha deputetja socialiste.
