Deputetët Ben Blushi dhe Mimoza Hafizi i kanë drejtuar një kërkesë Asamblesë Kombëtare të Partisë Socilaiste së cilës i kërkojnë tu vihen në dispozicion materialet zgjedhore të referendumit.
Dy deputetët argumentojnë se kanë të dhëna që rezultati është manipuluar si dhe nuk u është dhënë mundësia të vëzhgojnë procesin. Deputetët e PS kanë kërkuar të verifikojnë listat e votuesve për çdo qendër votimi.
Kjo çështje pritet të shkaktojë debate në mbledhjen e sotme të Asamblesë së PS, nga ku pritet të zgjidhen kryesia, sekretari organizativ dhe sekretari i përgjithshëm i kësaj force.
