Gjykata ka dhënë sot masën e detyrimit për paraqitje për 3 banorët e Unazës së Re te arrestuar një nate me pare ne polici.
Gjykata vendosi detyrim paraqitje për shtetasin Tomorr Gjata, Edurd Ferratin dhe Ruzhdi Dacin.
Prokurori Bledar Maksuti kërkoi që banorët të qëndronin në burg, pasi ishin edhe me precedent të mëparshëm penal për të njëjtën ngjarje.
Por gjyqtarja Rexhina Memlika pranoi kërkesën e avokatit Jordan Daci për ndryshimin e masës së sigurisë dhe lirimin e tyre nga qelia. Pas përfundimit të seancës, avokati në një komunikim me mediat u shpreh se vendimi për ndryshimin e masës ishte i drejtë, pasi mungonin provat për t’i mbajtur në burg banorët.
“Ishte një vendim i drejtë. E rëndësishme ëstë që këta njerëz rifituan lirinë që i ishte marrë e padrejtë” u shpreh avokati Jordan Daci.
Ndërkohë që nëntë protestuesit e arrestuar mbrëmë dhe ish-deputeti Klevis Balliu do të dalin para gjykatës për vlerësimin e masës së sigurisë ditën e mërkurë.
Ish-deputeti dhe 9 protestuesit u arrestuan mbrëmjen e djeshme, pasi bllokuan rrugën në të dyja drejtimet si dhe nuk iu bindën thirrjeve të Policisë. Me ndryshimet e reja në Kodin Penal, bllokimi i rrugëve duke penguar lëvizjen e lire të automjeteve është vepër penale dhe dënohet me burg deri në tre vjet burg, por një gjë e tillë nuk i pengoi banorët të cilët të udhëhequr nga Basha ndaluan qarkullimin e makinave.
g.kosovari
