Janë përjashtuar për 10 ditë nga Kuvendi i Shqipërisë 6 deputetë të opozitës.
Vendimi u mor pas mbledhjes së Sekretariatit për Procedurën, Votimet dhe Etikën ku u shqyrtua kërkesa e deputëtëve të Partisë Socialiste.
Më herët, PD tha në një reagim zyrtar se kjo mbledhje është në shkelje të plotë të rregullores pasi kërkesa e socialistëve duhej shqyrtuar 48 orë pas depozitimit të kërkesës për përjashtimin e 6 deputetëve.
Një nga deputetët i cili do të përballet me masën disiplinore është dhe Edmond Spaho, i cili e kundërshtoi me tone të larta vendimin duke u shprehur se do e ankimojë në Gjykatën Administrative.
Mazhoranca bëri këtë kërkesë pasi këta deputetë bllokuan foltoren në seancën e fundit në Kuvend. Ata po ashtu i ranë bilbilit dhe përdorën zhurmues duke mos lejuar deputetët e tjerë të marrin fjalën.
Sekretariati për Proçedurat dhe Votimet ka përjashtuar deputetët:
1. Edmond Spaho
2. Elda Hoti
3. Sorina Koti
4. Oerd Bylykbashi
5. Lindita Metaliaj
6. Greta Bardeli
/a.r
