Problemet e maturantëve këtë vit me sa duket nuk kanë fund. Ndonëse sot filloi regjistrimi i fituesve në universitete, sistemi online është bllokuar vetëm disa orë pasi ka filluar procesi.
Prej disa orësh sistemi i regjistrimit online ka dalë jashtë funksioni duke bllokuar kështu ecurinë e procesit raporton BW. Si pasojë janë krijuar radhë të gjata të fituesve, të cilët presin pranë sekretarive të Fakulteteve për t’u regjistruar në degën ku janë shpallur fitues.
Sakaq, janë qindra maturantë të tjerë që presin të krijohen vende të lira në universitete, pas regjistrimeve të fituesve të kësaj faze.
Burime nga Ministria e Arsimit sqarojnë se po punohet për rikthimin në funksion të sistemit, duke shtuar se shkak është bërë mbingarkesa në rrjet./a.m.