Bllokohet sërisht Konstituimi i Këshillit Bashkiak në Pogradec
Konstituimi i Këshillit Bashkiak në Pogradec është bllokuar sërisht duke bërë që Eduard Kapri të mos marrë zyrtarisht detyrën e Kryebashkiakut, raporton TEMA. Bllokimi ka ardhur nga Komisioni Qendror i Zgjedhjeve, i cili nuk ka dorëzuar listën me kandidatët zëvendësues për këshilltarë në Këshillin Bashkiak.
Zëvendësimi i anëtarëve do të ndodhë për shkak se dy prej tyre janë vëllezër dhe ligjërisht nuk lejohet që të dy të jenë pjesë e Këshillit. Zv.Kryeministri Niko Peleshi ka garantuar mbështetjen e Qeverisë për projektet në bashkinë e Pogradecit. Peleshi gjithashtu ka vlerësuar Pogradecin si një qytet me mundësi të mëdha zhvillimi edhe për shkak të turizmit. Pritet që konstituimi i këshillit të ndodhë pasi KQZ të depozitojë listën me emrat e këshilltarëve të rinj.
