Një gomone 7 m e gjatë është sekuestruar mëngjesin e kësaj të diele në ujërat e Detit Jon në Vlorë.
Gomonia është pikasur Qendra Operacionale Durrës, menjëherë sapo ka dalë në det të hapur. Forca Detare në bashkëpunim me Policinë e Shtetit kanë bërë të mundur arrestimin e dy personave E.Bushi dhe E.Belaj, të cilët ndodheshin në mjetin lundrues.
Gomonia e sekuestruar është dërguar në Triport, ndërsa vijojnë hetimet për aktivitetin e mjetit lundrues nëse është përdorur për veprimtari të paligjshme nga grupet kriminale të trafikut të drogës.
a.ç
