Një gomone në të cilën ndodheshin 300 kilogramë drogë, është bllokuar në Itali, ndërkohë që janë vënë në pranga dy shqiptarë.
Policia e Barit, gjatë patrullimit në det, në ujërat e zonës së “Le Cesine” të komunës së Vernole në Leçe, ka konstatuar gomonen bashkë me ngarkesën.
Drejtuesi i mjetit lundrues, sapo pikasi policinë, tentoi manovrat në det, deri sa doli në breg.
Në mjetin lundrues u gjetën 294 kilogramë marijuanë dhe 16 kilogramë hashash.
Ndërkohë dy trafikantët që të dy shqiptarë, u fshehën në shkurret e zonës së Le Cesine, ku u gjetën nga policia dhe u arrestuan për trafik droge.
Sakaq lënda narkotike e sekuestruar gjatë aksionit të pasdites së kësaj të enjteje, kap një vlerë tregu prej 3 milionë eurosh.
/b.d
