Qindra drejtues mjetesh në Angli janë irrituar sot, pasi janë detyruar të presin për mëse tre orë të bllokuar në trafik.
Rradha e automjeteve zgjaste për kilometra të tëra dhe e gjithë kjo u shkaktua, pasi një 25 vjeçare kërcënonte të hidhej nga ura.
Policisë ju deshën 3 orë negociata të gjata para se të arrestonin gruan në fjalë, e akuzuar tashmë për pengim të trafikut rrugor.
Shumë nga drejtuesit e mjeteve u detyruan të nxirrnin shëtitje kafshët që kishin me vete apo të dilnin të shplodhnin këmbët dhe trupin nga qëndrimi për një kohë mjaft të gjatë ulur.
Një nga agjentët që mori pjesë në negociatat me vajzën postoi një selfie me rradhën e gjatë të automjeteve pas shpinës së tij.
Ai kërkoi falje për këtë vonesë të pazakontë, por kjo ndjesë nuk u hyri shumë në punë shoferëve të nevrikosur nga bllokimi i autostradës.
Shumë prej tyre kishin ankesa në drejtim të policisë për mënyrën si menaxhuan situatën dhe për vonesën tre orëshe për të arrestuar 25-vjeçaren. /r.a
