Policia e Shtetit ka zhvilluar mesditën e sotme operacionin e koduar “Blici rrugor”, të shtrirë në 12 qarqet e vendit, në akset kryesore dhe zonat urbane.
Ky operacion nisi në ora 12:00 dhe zgjati deri në orën 13:30 minuta, ku të përfshirë ishin policia e Qarkullimit Rrugor e mbështetur nga Policia e Rendit, FNSH e Shqiponjat.
Aksioni kishte si synim goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mos vendosjen e rripit të sigurimit.
Pas operacionit, policia ka bërë me dije edhe masat administrative që janë marrë ndaj drejtuesve të mjeteve.
Në total në të gjithë vendin janë vendosen 1495 masa administrative:
Nga këto 950 për mos vendosje te rripit te sigurimit, si dhe për shkelje të tjera u vendosen 545 masa administrative.
Operacioni i zhvilluar kishte për qellim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit por edhe të respektimit të rregullave të qarkullimit rrugor në tërësi.
Policia Rrugore bën me dije se edhe në ditët në vijim do të vijojë me intensitet punën për ndëshkimin e çdo shkelje të kodit rrugor, duke u fokusuar me shumë në drejtim të ndëshkimit të drejtueseve të automjeteve që përdorin pije alkoolike, që përdorin celularin dhe nuk respektojnë normën e vendosjes së mjeteve të fiksimit .
Në këtë operacion blic u angazhuan rreth 1200 punonjës policie në total.
U ngritën dhe funksionuan 280 pika kontrolli ne gjithë vendin.
Konkretisht:
QARKU TIRANË:
350 punonjës policie në 45 pika kontrolli në Tiranë, Kamëz dhe Vorë
QARKU DURRËS:
120 punonjës policie në 30 pika kontrolli në Durrës, Shijak dhe Krujë
QARKU LEZHË:
100 punonjës policie në 30 pika kontrolli në Lezhë, Rrëshen, Laç, Shëngjin dhe Milot
QARKU SHKODËR:
80 punonjës policie në 30 pika kontrolli në Shkodër, Malësi të Madhe, Pukë, Koplik dhe Vaun e Dejës
QARKU KUKËS:
50 punonjës policie në 15 pika kontrolli në Kukës, Tropojë dhe Has
QARKU DIBËR:
50 punonjës policie në 15 pika kontrolli në Peshkopi, Burrel dhe Bulqizë
QARKU ELBASAN:
80 punonjës policie në 25 pika kontrolli në Elbasan, Cërrik, Gramsh, Belsh, Peqin, Librazhd dhe Prrenjas
QARKU KORÇË:
80 punonjës policie në 20 pika kontrolli në Korçë, Pogradec, Maliq, Bilisht, Ersekë dhe Leskovik
QARKU FIER:
80 punonjës policie në 22 pika kontrolli në Fier, Lushnjë dhe Ballsh
QARKU GJIROKASTËR:
60 punonjës policie në 16 pika kontrolli në Gjirokastër, Përmet, Tepelenë, Këlcyrë dhe Memaliaj
QARKU BERAT:
60 punonjës policie në 14 pika kontrolli në Berat, Kuçovë
QARKU VLORË:
90 punonjës police në 18 pika kontrolli në Vlorë, Himarë, Delvinë dhe Sarandë./express/a.k
