Gazeta e Beogradit “Blic” ka raportuar se gjatë darkës së djeshme në Sarajevë, ku po marrin pjesë Kryeministrat e Ballkanit Perëndimor, përfshirë Kryeministrin e Kosovës, Isa Mustafa, dhe atë të Serbisë, Aleksandar Vuçiç, ka shpërthyer një konflikt.
Sipas “Blic”, e cila është mjet propagandistik i shefit të Qeverisë së Serbisë, konflikti ka shpërthyer pasi Vuçiç e ka pyetur Mustafën rreth vendimit të Qeverisë së Kosovës, e cila ka vendosur që e gjithë ish-prona e RSFJ’së dhe Serbisë të regjistrohet si e Kosovës.
Gazeta beogradase shkruan se ka marrë vesh nga burimet e saj se Vuçiq e ka akuzuar Mustafën për plaçkitje të pronave serbe.
Sipas “Blic”, darka e kryeministrave ballkanas ka qenë e tensionuar, si rezultat i përplasjeve Mustafa-Vuçiç, citohet Express. (b.an)
