Ish-ministri i Drejtësisë i LSI, Ylli Manjani ka reaguar për marrjen në pyetje të Lulzim Bashës, një ditë më parë nga prokurorët belgë, në lidhje me dosjen “Toyota Yaris”.
Në një postim në rrjetet sociale, Manjani paralajmëron se Basha ka “hesape të pambyllura dhe se këta belgët nuk janë si prokurorët e “ndershëm” të SPAK e BKH”.
Më tej, ai i jep edhe një këshillë Bashës, ndërsa shkruan “kontrolloi mirë dëshmitë se mos të del ndonjë kundërthënie”.
“Po po, prokurorët e ndershëm të SPAK e BKH janë të mirë, po na thuaj pak si ishte ai belgu.
Me atë i ke hesapet e pa mbyllura, lëri denglat me “prokurorët e ndershëm”, që nuk hetojnë sa lekë korrupsion kushton opozita në këtë vend?! Minimalisht ata “të ndershmit” duhet të të mbanin aty mbrëmë për moskallëzim krimi.
Po përgjigju atij Belgut, hë xhan!
Ka që të hënën që është këtu tjetri duke të pritur që ti shkoje mbrëmë natën. Përpos letërporosive të panumërta që të kërkoi për dëshmi direkte…
Një këshillë kam:
kontrolloji dëshmitë që ke dhënë se mos të del ndonjë kundërthënie.
E pastaj ata “të ndershmit” do të të duken edhe më të ndershëm…
Prandaj i del djathi sapun këtij…
7×7=42.”-shkruan Ylli Manjani./m.j
