Është shtyrë për në 21 dhjetor shqyrtimi i kërkesë së Orest Sotës, ku kërkon ndryshimin e masës ‘arrest me burg’, në një masë më të lehtë. Ka qenë mungesa e avokatit të Orest Sotës, Fatmir Braka, çka ka bërë që Gjykata e Krimeve të Rënda të shtyjë për një moment të dytë vendimin lidhur me këtë kërkesë.
Edhe pse në sallën e gjyqit ishte njëri nga avokatët e tij, Julian Mertiri, Sota përmes një deklarate të lëshuar nga burgu, kërkonte të përfaqësohej nga Braka. Ai është arrestuar në muajin nëntor, në qytetin e Elbasanit, pasi refuzoi që të ndalonte pas thirrjes së policisë. Më pas, ai u arrestua, ku në makinën e tij u gjetën një sasi prej 863 mijë euro dhe dy patenta, në emër të ish-ministrit të Brendshëm Saimir Tahiri. /ma.me
