Biznesmeni Fahri Balliu, njëherësh dhe botuesi i gazetës “55”, rezulton të mos ketë paguar 8 vite faturat e ujit. Ky konstatim është bërë nga vetë Ujësjellës Kanalizime Tiranë, i cili ditën e sotme i është drejtuar me një kërkesë Gjykatës së Tiranës, duke kërkuar nga kjo e fundit nxjerrjen e urdhrit të ekzekutimit, kundër biznesmenit Fahri Balliu.
Kërkesa e ujësjellësit mban nr. 9484 dhe është rregjistruar në emër të gjyqtares Alma Brati. Ndërkohë që në objektin e kësaj kërkese thuhet tekstualisht:”… Kërkesë për lëshimin e Urdhërit Ekzekutimit për faturat e ujit titull ekzekutiv për debitorin Fahri Balliu, Tiranë, me adresë: “Rruga Islam Alla, Tirane”, për detyrimet që rrjedhin nga kontrata nr.054789-1, për muajt:Janar 2008-Shtator 2016…”.
Koha mjaft e gjatë e mospagimit të faturave të ujit nga biznesmeni Balliu ka sjellë dhe reagimin e drejtuesve të ujësjellësit, të cilët kanë proceduar tashmë në gjykatë./Tema/
