TIRANË-Biznesi i vogël në Tiranë, ashtu siç ishte paralajmëruar, protestoi kundër skemës së re të TVSH-së.
Ata refuzojnë të paguajnë Tatim mbi Vlerën e Shtuar, skemë në të cilën u futën që prej 1 prillit.
Tregu i Medresesë, ai Elektrik dhe tregu Çam në kryeqytet kanë mbyllur dyert për një orë, por jo të gjithë kanë ulur qepenat.
Protesta 1 orëshe, nuk u mbajt vetëm në Tiranë, por edhe në qytete të tjera të vendit bizneset e vogla kanë mbyllur qepenat në shenjë proteste kundër përfshirjes në skemën e TVSH. Protesta raportohen edhe në Durrës, Lezhë, Fier, por Lushnja refuzoi të protestonte.
Me bizneset ishte edhe opozita, e cila ka bërë thirrje për mospagimin e TVSH-së si një formë të mosbindjes civile. Deputetë të PD-LSI janë shpërndarë nëpër tregjet e kryeqytetit.
Por politizimi i protestës shkaktoi edhe tensione dhe ndau biznesin.
Shumë tregtarë, nuk i ulen qepenat, vetëm për shkak të politizimit të protestës së tyre.
Madje, disa deputetë, i kanë përzënë nga protesta e tyre.
Siç ishte rasti i Halim Kosovës.
“Çfarë do që vjen këtu? Ku ishit ju më përpara kur u rritën taksat”, i janë drejtuar tregtarët e Tregut Ushqimor deputetit demokrat, që është deturuar të largohet.
Përplasje ka pasur dhe me Aldo Bumçin, Florion Mimën e Jorida Tabakun, ndërsa deputeti i LSI-së, Brahimllari, është përplasur edhe fizikisht me tregtarët.
Pak më herët, në një konferencë, Arben Ahmetaj sqaroi edhe njëherë vendosjen e biznesit të vogël në skemën e TVSH. Ai theksoi se opozita mashtron pasi kjo masë nuk ndikon aspak çmimet ndërsa thekson se gjithçka bëhet në funksion të uljes së evazionit tek të mëdhenjtë.
Sipas Ahmetaj reforma synon vjeljen e më shumë TVSH-je nga biznesi i madh.
Javanews/a.ç
