Të gjitha gjobat dhe kamatvonesat e vendosura ndaj bizneseve para datës 31 dhjetor 2010 do të falen. Qeveria po përgatit një ligj të ri për faljen e gjobave, në mënyrë që të lehtësojë bizneset nga detyrimet tatimor. Ministri i Financave Arben Ahmetaj ka konfirmuar se gjobat e vendosura para 2011-s, do të fshihen nga sistemi, pasi ligjit që do miratojë Këshillit i Ministrave.
Gjithashtu qeveria po përgatit një formulë të re për faljen e gjobave nga 1 janari 2011 deri në 31 dhjetor 2014. Vet Ministri i Financave ka thënë se përgjatë kësaj periudhe do të falen gjobat por jo detyrimet. Kjo do të thotë se bizneset që kanë marrë gjoba përgjatë 2011-2014-s, duhet të paguajnë detyrimin në mënyrë që të falen gjoba bashkë me interesi. Nga kjo formulë do të përfitojnë të gjitha bizneset.
Pas 31 dhjetorit 2014, qeveria do të falë vetëm gjobat e vendosura për mosdorëzimin në kohë të formularit ë punësuarave. Ministri i Financave thekson se nuk do të ketë falje të të gjitha gjobave, por vetëm për një pjesë të tyre. Fshirja e detyrimeve tatimore për një pjesë të bizneseve do të bëjë që rreth 24 miliardë lek të falen nga qeveria. Më herët Ministria e Financave ka rënë dakord edhe me Fondi Ndërkombëtar Monetar për ligjin i cili do të falë një pjesë të gjobave.
