Bisedimet mes Iranit dhe Shteteve të Bashkuara, të zhvilluara në Muscat të Omanit, kanë përfunduar pa një marrëveshje konkrete, por me sinjale për vazhdimin e dialogut.
Sipas agjencisë IRNA dhe Tasnim, delegacionet iraniane dhe amerikane shkëmbyen gjatë gjithë ditës pikëpamje dhe qëndrime përmes ndërmjetësimit të ministrit të Jashtëm të Omanit, Badr Albusaidi, pa u përcaktuar një datë për raundin e radhës.
Delegacionin iranian e drejtoi ministri i Jashtëm Abbas Araghchi, ndërsa SHBA-të u përfaqësuan nga Jared Kushner, dhëndri i presidentit Donald Trump, dhe i dërguari special Steve Witkoff. Në bisedime ishte i pranishëm edhe komandanti i Komandës Qendrore të SHBA-së, admirali Brad Cooper.
Takimi në Muscat shihet si një përpjekje për të mbajtur të hapur kanalet diplomatike mes dy vendeve, mes tensioneve të vazhdueshme dhe mungesës së marrëdhënieve zyrtare direkte.
