Kreu i diplomacisë ruse, Lavrov dhe homologu amerikan Tillerson ranë dakort sot gjatë një bisede telefonike të takohen këtë fundjavë në Manila në takimin e parë dypalësh që pas vendosjes së sanksioneve nga ana e Uashingtonit që kane shkaktuar indinjatën e Moskës, njoftoi diplomacia ruse.
“Takimi mes Sergueï Lavrov dhe Rex Tillerson do të kryhet në vazhdën e forumit vjetor të Shoqatës së Kombeve të Azisë Jug-Lindore (ASEAN), që do të mbahet më 6 deri në 8 gusht në kryeqytetin filipinas”, saktësoi Ministria rusee Punëve të Jashtme në një deklaratë.
Pritet të diskutohet rreth marrëdhënieve mes dy vendeve, në një klimë mjaft të tensionuar. Kongresi amerikan votoi sanksione të reja ekonomike kundër Rusisë, ndërsa Donald Trump i dekretoi një ditë më parë. Presidenti amerikan është shprehur i rezervuar në lidhje me këtë tekst “me shumë të meta” që bie ndesh me vullnetin e tij për të përmirësuar marrëdhëniet me Moskën. Ai e cilësoi sot “mjaft të rrezikshme” gjendjen e marrëdhënieve mes tyre.
