Pavarësisht se prej dy vitesh janë shtruar trotuaret dhe rregulluar kanalizimet, rruga nuk është asfaltuar ende. Bëhet fjalë për fshatin Cangonj në Bililisht.
Bashkia prej dy vitesh ka nisur një projekt për sistemimin dhe asfaltimin e rrugës, por megjithëse afatet kanë kaluar, projekti nuk është finalizuar ende.
Bashkia në vend të asfaltit ka hedhur në trasenë e rrugës dhe të kuq, duke e kthyer këtë segment të pakalueshëm për shkak të baltës dhe pluhurit.
Banorët e fshatit Cangonj thonë se hedhja e dheut u bë pasi ata kërcënuan me protesta, por sipas tyre kjo nuk është zgjidhje. Nëse nuk merren masa, ata paralajmërojnë përshkallëzim të protestave dhe bllokim të rrugës.
Hedhja e dheut nga bashkia e bën këtë aks të pakalueshëm, sidomos në kohë reshjesh. Banorët janë të detyruar të kalojnë përmes baltës dhe pluhurit, deri sa bashkia të finalizojë projektin për asfaltimin e rrugës./report tv/a.k