Ka arritur ne 80 numri i personave të shoqëruar nga policia për dhu. nën që shpërtheu dje në protestën e opozitës së bashkuar para kryeministrisë. Report Tv mëson përmes burimeve nga uniformat blu se janë lëshuar 15 urdhër – arreste, 7 prej të cilave janë ekzekutuar.
Mes tyre është vënë në pranga dhe ndodhet në Drejtorinë e Policisë në Tiranë, Florenc Hoxha, ish-kreu i Policisë Bashkiake të Tiranës. Ai u kap edhe nga kamerat të ishte i pranishëm në protestën e opozitës, teksa është filmuar edhe në shkallët e kryeministrisë pas çarjes së kordonit të forcave të policisë.
Protesta e nisur me lule nga ana e të rinjtë të Partisë Demokratike, përshkallëzoi në dhunë, që çoi në dëmtime të konsiderueshme të derës hyrëse në kryeministri dhe shkatërrimin total të instalacionit të kërpudhës që ndodhet në lulishten e godinës. Protestuesit çanë disa herë kordonin e policisë, por nga ana e liderëve politikë dh. una u quajt e nxitur nga ana e qeverisë.
Deputetë të së djathtës u gjendën dje në ambjentet e Drejtorisë së Policisë së Tiranës, në një situatë të tensionuar, pasi opozitarët ngritën pretendimin se nuk u pritën nga drejtuesit e policisë që sipas tyre rrinin në zyra duke pirë alkool.
Për dhunën në protestë Prokuroria e Tiranës ka nisur hetimet për akuzën e “shkatërrimit të pronës publike”, “goditjes ndaj efektivëve të policisë” dhe kundërshtimit të forcave të rendit”. Bilanci i dhunës ishte19 të lënduar, mes tyre efektivë të policisë, përfaqësues të mediave dhe protestues. Protesta u mbyll me lajmërimin e kryedemokratit Lulzim Basha se tubimi i radhës do të jetë të enjten, para Kuvendit, ndërsa e gjitha u quajt si një kapitullim i kryeministrit Rama i cili në të njëjtën kohë që mbahej protesta, dje ndodhej në qytetin e Vlorës në një diskutim me qytetarët në Sheshin “Flamuri” për zgjedhjet vendore.
