Gjatë vitit 2015 në vendin tonë në pikat kufitare kanë hyrë 4.131.242 shtetas të huaj ose 12,5 % më shumë se në vitin 2014.
Ndërkaq sipas të dhënave të publikuara nga Instituti i Statistikave përmes botimit “Shqipëria në shifra”, daljet e shtetasve shqiptarë janë rritur me 8,6 %, krahasuar me vitin 2014.
Gjatë vitit 2015, hyrjet e shtetasve të huaj nga rajoni i Evropës zënë pjesën më të madhe të hyrjeve të shtetasve të huaj gjithsej me 90,7 %. Evropa Jugore zë përqindjen më të lartë të hyrjeve të shtetasve të huaj me 84,1% të hyrjeve gjithsej nga Evropa. Hyrjet nga Kosova zënë mesatarisht 53,3 % të hyrjeve të Evropës Jugore, të ndjekura nga hyrjet që vijnë nga Maqedonia me 16,3 % dhe Mali i Zi me 7,6 %
Hyrjet e shtetasve të huaj nga rajonet e tjera zënë mesatarisht 9,3 % të hyrjeve të shtetasve të huaj gjithsej
Hyrjet e shtetasve të huaj gjatë vitit 2015 nga Kosova, Maqedonia dhe Mali i Zi zënë mesatarisht 59,0 % të hyrjeve të shtetasve të huaj gjithsej
