Agim Ismaili, drejtori i Përgjithshëm i Agjencisë Kombëtare të Ushqimit, në një bisedë telefonike për Report TV deklaroi se janë mbyllur të gjitha thertoret me aktivitet të paligjshëm në të gjithë vendin.
“Të 84 njësitë e therjes ilegale, që ekzistonin dhe funksionin jashtë të gjitha standardeve, janë mbyllur të gjitha. .AKU nuk ka mjaftuar vetëm me mbylljen e thertoreve. Janë mbyllur në të gjithë Shqipërinë edhe 103 njësitë e tregtimit të mishit”, deklaroi drejtori AKU-s.
Nga ky aksion, drejtori AKU-s, sqaron se janë sekuestruar mbi 3 ton mish (2.4 ton nga të cilat vetëm në Tiranë) dhe mjete pune e pajisje të thertoreve.
Kjo, ka theksuar Ismaili, ka ndodhur vetëm në dy javë të aksionit të ndërmarrë nga AKU, për sigurinë ushqimore në tregjet e thertoreve të kafshëve blegtorale. Drejtori i Përgjithshëm i Autoritetit Kombëtar të Ushqimit (AKU), Agim Ismaili, theksoi se bilanci këtij aksioni do të thotë se therjes së kafshëve në rrugë i erdhi fundi.
