Erërat me intensitet tepër të lartë dhe shirat e dendura që goditën këtë javë Italinë regjistruan të paktën 20 të vdekur. Kryesisht në veri të vendit janë dëmtuar hektarë të tërë me pyje, njoftun sot autoritetet.
Rajoni i Venetos, në verilindje është më i prekuri nga dëmet, me qindra pemë të rrëzuar në shpatet e maleve të Dolomitit, pas erërave shumë të forta që u regjistruan të enjten.
”Situata është e njëjtë si pas një lëkundje të tokës”, deklaroi kryetari i Bashkisë së këtij rajoni, Luca Zaia. Rreth 160 000 persona vijojnë të jenë pa energji elektrike në këtë rajon.
Të premten, dy persona humbën jetën, përfshirë një grua e moshës 87-vjeçare dhe një turiste 62-vjeçare gjermane pasi u goditën nga rrufeja në Sardenjë. Këto viktima e çojnë në 18 numrin e të vdekurve nga moti i keq që nga fillimi i javës.
Niveli i alarmit vijon të mbetet ende i lartë në Veneto, ndërsa meteorologët presin shi dhe erë të mëtejshme gjatë fundjavës.
Më në jug, Sicilia pësoi gjithashtu përmbytje dhe në disa akse rrugore u ndërpre kalimi. Shkollat gjithashtu do të qëndrojnë të mbyllura, si dhe shumë parqe lojërash.
a.ç
