Përmbytjet nga moti i ashpër në periferi të Athinës kanë shkaktuar shtatë viktima, ndërkohë banesa të tëra janë shkatërruar.
Autoritetet greke bënë të ditur lajmin ku treguan se nga dy viktima, numri u rrit së fundmi në shtatë.
Ndërkohë persona të tjerë shpallen të humbur. Viktima e pestë është një grua e cila u gjend e pajetë në një rrugë në zonën e Mandra.
Para kësaj, u gjetën trupat e dy burrave në oborret e dy kompanive të biznesit, ndërsa një grua dhe një burrë tjetër u gjetën të pajetë në shtëpinë e tyre të mbuluar nga uji. Ndërkohë ekipet e shpëtimit po kërkojnë për persona të tjerë të gjallë ose jo.
Përmbytjet e mëdha erdhën pasi moti i keq goditi zonën brenda natës duke vijuar edhe sot.
a.ç
